प्रहरी कन्ट्रोल : १००, टोल फ्री नं.: १६६००१४१५१६
नेपा
EN

६ वर्षीय बालकलाई ठक्कर दिई फरार रहेको व्यक्ति मोटरसाईकल सहित पक्राउ ।

२०८०-०६-१४

  • A
  • A-
  • A+
Share

मिती २०८०।०६।१३ गते ८:३५ बजेको समयमा जिल्ला सुर्खेत वीरेन्द्रनगर नगरपालिका वडा नं. ३ भैरवस्थान स्थित आमाको भान्साघर अगाडी ऐरिचोकबाट मूलपानी तर्फ जादै गरेको तत्काल नं. नखुलेको मोटरसाईकलले पैदलयात्री जिल्ला दैलेख आठबिस नगरपालिका वडा नं-६ खिड्कीजिउला स्थायी वतन भई हाल जिल्ला सुर्खेत वीरेन्द्रनगर नगरपालिका वडा नं.४ बस्ने वर्ष ६ को टेक दर्शन पुरीलाई एक्कासी ठक्कर दिई सख्त घाईते बनाई मोटरसाईकल सहित फरार रहेको र निज घाईतेलाई तत्काल उपचारको लागी कर्णाली केयर अस्पतालमा लगेकोमा उपचारकै क्रममा ८:४५ बजे अस्पतालले मृत घोषणा गरेको । उक्त घटनाको जानकारी हुनासाथ कर्णाली प्रदेश प्रहरी कार्यालयबाट प्रहरी बरिष्ठ नायव निरीक्षक नारायण शर्माको कमाण्डमा जिल्ला प्रहरी कार्यालय र जिल्ला ट्राफिक कार्यालय समेतको टोली परिचालित भई तदारूकताका साथ फरार व्यक्ति र मोटरसाईकलको खोजतलास गर्दै जाँदा आज मिती २०८०।०६।१४ गते १७:३० बजेको समयमा गुर्भाकोट नगरपालिका वडा नं. १४ भर्लेनी भन्ने गाउँमा आफ्नै घरमा दुर्घटना गरेको मोटरसाईकल लुकाई आफुसमेत लुकिछिपी बसेको अवस्थामा वर्ष ३१ को अर्जुन पुन र निजले दुर्घटना गराएको SUZUKI कम्पनीको प्रदेश ३ -०२००२ प ९२०३ नं. को मोटरसाईकललाई प्रहरी टोलीले फेला पारी पक्राउ गर्न सफल भएको । निज फरार अभियुक्तलाई मोटरसाईकल सहित थप अनुसन्धान र कानूनी कारवाहिका लागी जिल्ला प्रहरी कार्यालय सुर्खेतमा ल्याईएको ।


सम्बन्धित समाचार
लागूऔषध सहित मानिस नियन्त्रणमा ।
२०८१-०४-०६

रूकुम पश्चिम, मिति २०८१।०४।०५ गते राति अन्दाजी २१:०० बजेको समयमा जिल्ला रुकुम पश्चिम आठबिसकोट नगरपालिका-१४ छेपारे स्थित डोल्पा भेरी करिडोर सडक खण्डमा रुकुम गोतामकोट बाट नेपालगञ्ज तर्फ जाँदै गरेको चालक जिल्ला सल्यान कुमाख गाउँपालिका-५ बस्ने वर्ष ३२ को मदन प्रकास गिरीले चलाउँदै गरेको भे.१ क १७८० नं.को ट्रकमा अबैध अफिम ओसार पसार गरेको छ भन्ने गोप्य सुचना प्राप्त हुना साथ ईलाका प्रहरी कार्यालय आठबिसकोट रूकुमपश्चिमबाट तत्काल प्रहरी टोली खटि गई उक्त ट्रक लाई रोकी चेक जाँच गर्दा उक्त ट्रकमा कालो झोला भित्र कालो प्लोथिनले बेरेको ३ वटा पोकामा नापतौल गर्दा ५ के.जी.५४५ ग्राम तौल भएको अबैध अफिम फेला पारी, ट्रक र चालक सहित नियन्त्रणमा लिई थप अनुसन्धान भईरहेको ।