अविरल वर्षाको कारण डोल्पा जिल्लामा १ जना घाईते र १ जनाको मृत्यु

२०८३-०३-२१

A
A^-
A⁺

डोल्पा,

मिति २०८३।०३।२१ गते ०३:०० बजेको समयमा अविरल बर्षादको कारण जिल्ला डोल्पा जगदुल्ला गाउँपालीका ५ गैरीगाउँ स्थित धुलाखोलामा हिलोमाटो सहितको बाढी आएको भन्ने खबर प्राप्त हुना साथ प्रहरी चौकी माझगाउ डोल्पाबाट प्र.स.नि. रघुनाथ पाण्डेको कमाण्डमा ५ जनाको टोली खटिगई स्थानिय र प्रहरीको सहयोगमा उक्त स्थान बस्ने लाक्षिमाने बि.क.को छोरी बर्ष अन्दाजी ५५/५६ कि आनन्दा बि.क. (अविवाहित, बोल्न नसक्ने) सुतिरहेको अबस्थामा पुरिएको र निज आनन्दी बि.क.लाई उद्धार गरी उपचारको लागि स्वास्थ्य चौकी तर्फ लैजाने क्रममा मृत्यु भएको । र उक्त घटना स्थलमा जि.प्र.का. डोल्पाबाट प्र.नि. पदम रावलको कमाण्डमा SOCO सहित ५ जनाको टोली, इ.प्र.का. काईगाउ डोल्पाबाट प्र.ना.नि. मन ब. थापाको कमाण्डमा ७ जना र अ.प्र.पो. हुरिकोट डोल्पाबाट प्र.ब.ह. नवराज खड्काको कमाण्डमा ३ जनाको टोली, सशस्त्र प्रहरी वल नेपाल नं. ४६ गुल्म हे.क्वा दुनै डोल्पाबाट स.प्र.नि. धिरेन्द्र ब. बडुवालको कमाण्डमा १० जनाको DM सहितको टोली, नेपाली सेनाको तैजुम पोष्ट जगदुल्ला १ बाट जमदार दिपेन्द्र कटुवालको कमाण्डमा ९ जनाको टोली खटिएको । १ घर पुर्ण क्षति भएको र ९ वटा घर आंशिक क्षति भएको ।

क्षतिको विवरण:-

१) आनन्दा बि.क.को घर आंशिक क्षति भएको, परिवार संख्या ६ जना मृत्यु १ जना र अन्य सबै सम्पर्कमा रहेको ।

२) ढोली कामीको घर आंशिक क्षति भएको, परिवार संख्या २ जना घाईते १ जना अन्य सम्पर्कमा रहेको ।

३) नविन बि.क.को घर पुर्ण क्षति भएको, परिवार संख्या ४ जना घाईते कोही नभएको, सबै सम्पर्कमा रहेको ।

४) सेतु बि.क.को घर आंशिक क्षति भएको, परिवार संख्या ७ जना घाईते कोही नभएको, सबै सम्पर्कमा रहेको ।

५) राजेन्द्र बि.क.को घर आंशिक क्षति भएको, परिवार संख्या ५ जना घाईते कोही नभएको, सबै सम्पर्कमा रहेको ।

६) मिनराज बि.क.को घर आंशिक क्षति भएको, परिवार संख्या ४ जना घाईते कोही नभएको, सबै सम्पर्कमा रहेको ।

७) नैन सिंह बि.क.को घर आंशिक क्षति भएको, परिवार संख्या ३ जना घाईते कोही नभएको, सबै सम्पर्कमा रहेको ।

८) रातो बि.क.को घर आंशिक क्षति भएको, परिवार संख्या ६ जना घाईते कोही नभएको, सबै सम्पर्कमा रहेको ।

९) रेउली बि.क.को घर आंशिक क्षति भएको, परिवार संख्या ५ जना, अन्य सबै सम्पर्कमा रहेको ।

१०) संगिता बुढाको घर आंशिक क्षति भएको, परिवार संख्या ३ जना घाईते नभएको, सबै सम्पर्कमा रहेको ।

सम्बन्धित समाचार

बम फेला परेको सम्बन्धमा

२०८३-०१-१९

१९ बैशाख २०८३, सल्यान ।जिल्ला प्रहरी कार्यालय सल्यानको परिसरभित्र प्रशिक्षण भवनको जग खन्ने क्रममा बम जस्तो देखिने शंकास्पद बस्तु फेला पारे पश्चात नेपाली सेनाको बम डिटेक्टर तथा डिस्पोजल टोलीलाई बोलाई माईन डिटेक्टर मेशिनबाट उक्त स्थान तथा वरपर चेकजाँच गर्दा सकेट बम थान-८२, सुतली बम थान-३, बोतल बम थान-१, Explosive- ५०० ग्राम, Radio IEDs थान- ७, फायरिङ केवल १० मिटर र बम बनाउन प्रयोग गरिने मेटल पार्टस २ के.जी. फेला पारी जिल्ला सुरक्षा समितिको निर्णय बमोजिम आज मिति २०८३ साल बैशाख १९ गते शारदा नगरपालिका वडा नं.-०३ सल्यान स्थित सिता सामुदायिक वनमा नेपाली सेनाको बम डिस्पोजल टोली द्धारा सुरक्षित साथ फेला परेका सम्पूर्ण बमहरु डिस्पोज तथा निष्कृय गरिएको ।

प्रहरी महानिरीक्षक दिपक थापाज्यूबाट इलाका प्रहरी कार्यायल छिन्चु, सुर्खेतको परिसरमा नवनिर्मित महिला बालबालिका तथा ज्येष्ठ नागरिक सेवा केन्द्रको कार्यालय भवन उद्घाटन ।

२०८२-०५-०९

सुर्खेत, ९ भदौ,२०८२ नेपाल प्रहरीका महानिरीक्षक (आईजीपी) दिपक थापाले सुर्खेतको भेरीगंगा नगरपालिका–१२ स्थित इलाका प्रहरी कार्यालय छिन्चु परिसरमा नवनिर्मित महिला, बालबालिका तथा ज्येष्ठ नागरिक सेवा केन्द्र, महिला आवास भवन तथा भान्सा घरको एक भव्य समारोहबीच उद्घाटन गर्नुभएको छ । कार्यक्रममा आईजीपी थापाले भवनहरूको अवलोकन गर्नुका साथै परिसरमा वृक्षारोपण गरेर वातावरणीय उत्तरदायित्वप्रति प्रहरीको प्रतिबद्धता पनि दर्शाउनुभयो । उहाँले सम्बोधन गर्दै भने, “यी संरचनाहरू केवल इँटामाटोका संरचना होइनन्, प्रहरी र नागरिकबीचको विश्वासको द्योतक हुन् । महिला, बालबालिका तथा ज्येष्ठ नागरिकमाथि हुने हिंसा, घरेलु द्वन्द्व र सामाजिक विकृतिहरूको न्यूनीकरणमा यी भवनहरू परिवर्तनका आधारशिला बन्नेछन् ।”आईजीपी थापाले भवन निर्माणमा योगदान पुर्‍याउने व्यक्तित्वहरूलाई प्रशंसापत्र प्रदान गर्दै प्रहरी–समुदाय सहकार्यको सशक्त सन्देश दिनुभयो । कार्यक्रममा कर्णाली प्रदेशका आन्तरिक मामिला तथा कानुन मन्त्रालयका सचिव डा. पुष्पराज शाही, प्रमुख जिल्ला अधिकारी जगदिश्वर उपाध्याय, भेरीगंगा नगरप्रमुख यज्ञ प्रसाद ढकाल, तथा Security and Justice Program (SJP) का Senior Project Manager Simon Peter O’Brien लगायत विशिष्ट अतिथिहरूले आ-आफ्ना मन्तव्य व्यक्त गर्दै प्रहरी सेवा र सामाजिक उत्तरदायित्वबीचको सम्बन्धलाई जोड दिनुभएको थियो । UNOPS को आर्थिक तथा प्राविधिक सहयोगमा रु. ३ करोड ३५ लाख २७ हजार ५२५ रुपैयाँ ९ पैसा लागतमा निर्माण सम्पन्न भएको उक्त सेवा केन्द्रको निर्माण प्रतिवेदन UNOPS का Senior Engineer शिशिर उपाध्यायले प्रस्तुत गर्नुभयो । कार्यक्रममा Operation Coordinator इन्द्र न्यौपानेले स्वागत मन्तव्य र प्र.ना.म.नि माधव प्रसाद श्रेष्ठले धन्यवाद ज्ञापन गर्नुभएको थियो । समारोहमा सुरक्षा निकायका प्रमुखहरू, सरकारी तथा गैरसरकारी निकायका प्रतिनिधिहरू, राजनीतिक दलका अगुवा, स्थानीय समाजसेवी, संचारकर्मी तथा सर्वसाधारणको उल्लेख्य उपस्थिति थियो ।

प्रहरी महानिरीक्षक दिपक थापाज्यूबाट कर्णाली प्रदेश प्रहरी कार्यालय, सुर्खेतको निरीक्षण तथा निर्देशन कार्यक्रम सम्पन्न ।

२०८२-०५-०९

सुर्खेत, ९ भदौ २०८२ नेपाल प्रहरी संगठन प्रमुख श्रद्देय श्रीमान् प्रहरी महानिरीक्षक दिपक थापाज्यू निरीक्षण भ्रमण तथा अनुगमनको सिलसिलामा यस कार्यालयमा पाल्नु भई यस कार्यालयमा रहेको अमर प्रहरी स्मारिकामा पुष्पगुच्छा अर्पण, कार्यालय प्राङगणमा वृक्षारोपण, भौतिक संरचनाको निरीक्षण गर्नु भयो । आयोजित कार्यक्रममा उपस्थित प्रहरी कर्मचारीहरूलाई श्रद्देय श्रीमान् प्रहरी महानिरीक्षक थापाज्यूले भौगोलिक जटिलताको बाबजुद उपलव्ध सीमित स्रोत साधन र जनशक्तिको उच्चतम उपयोग गरी समग्रमा प्रदेशस्थित शान्ति सुव्यवस्था अमन चयन कायम गर्न, अपराध नियन्त्रण तथा अनुसन्धान, विपद् एवम् ट्राफिक व्यवस्थापन लगायतका कार्यमा प्रहरी कर्मचारीहरूले देखाएको व्यावसायिकता र निर्वाह गरेको भूमिका प्रशंसनीय रहेको बताउनुभयो । उक्त अवसरमा लागूऔषध कारोबार, सवारी दुर्घटना, आत्महत्या, महिला बालबालिका तथा ज्येष्ठ नागरिक विरूद्ध हुने अपराध, चोरी पैठारी जस्ता गतिविधिहरू हालको परिपेक्क्षमा चुनौतिको रूपमा देखापरेको बताउँदै यस्ता गतिविधिलाई न्यूनीकरण तथा नियन्त्रणको लागि समुदायमा आधारित जनचेतनामूलक कार्यक्रम संचालन गर्दै काम गर्नुपर्नेमा जोड दिनुभयो । महिला बालबालिका तथा ज्येष्ठ नागरिकहरूको समस्या सम्बोधनमा थप संवेदनशील भई निष्पक्ष अनुसन्धान गर्नुपर्ने, पुराना तथा पेण्डिङ मुद्दाहरूको फर्छ्यौट एवम् फरार प्रतिवादीहरूलाई कानूनी दायरामा ल्याउन थप सक्रिय हुनुपर्ने, ट्राफिक व्यवस्थापनमा अझ शिष्ट व्यवहार प्रदर्शन गर्नुपर्ने तथा भीड नियन्त्रणमा धैर्यता एवम् थप संयमता अपनाई कार्यसम्पदान गर्न उपस्थित प्रहरी कर्मचारीहरूलाई निर्देशन दिनुभयो थियो । उक्त कार्यक्रममा यस कार्यालयका कार्यालय प्रमुख प्रहरी नायव महानिरीक्षक माधव प्रसाद श्रेष्ठज्यूले प्रहरी महानिरीक्षकज्यूले दिनु भएको निर्देशन अक्षरस पालना गर्ने गराउने बाचाका साथ धन्यवाद मन्तव्य व्यक्त गर्नु भएको थियो । कार्यक्रममा प्रहरी वरिष्ठ उपरीक्षक रमेश थापाज्यू , प्रहरी वरिष्ठ उपरीक्षक केदार खनालज्यू, जिल्ला प्रहरी कार्यालय सुर्खेतका कार्यालय प्रमुख प्र.उ. सुधिर राज शाहीज्यू, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतका कार्यालय प्रमुख प्र.उ. भावेश रिमालज्यू, कर्णाली प्रदेश प्रहरी गण, सुर्खेतका कार्यालय प्रमुख प्र.उ. प्रेम सागर के.सीज्यू लगायत यस कार्यालय तथा मातहतमा कार्यरत प्रहरी अधिकृत तथा जवानहरूको उपस्थिति रहेको थियो ।

सवारी दुर्घटना सम्बन्धी ।

२०८२-०४-२३

कालिकोट,मिति २०८२/०४/२३ गते अन्दाजि ०८:३० बजेको समयमा जिल्ला कालीकोट खाँडाचक्र नगरपालिका १० गोलुवा स्थित जुम्ला सुर्खेत सडक खण्डमा जुम्ला बाट सुर्खेत तर्फ आउदै गरेको क.प्र. ०२००१ ख ०९७६ नम्बरको फोर्स गाडी अनियन्त्रित भई सडकभन्दा अन्दाजि १०० मिटर तल खस्न गई उक्त फोर्समा चालक सहित ७ जना सवारहरू घाईते भएको र घाईतेहरुलाई जिल्ला अस्पताल मान्म कालीकोटमा ल्याई उपचार भईरहेको ।निम्न: १) चालक जिल्ला सुर्खेत वीरेन्द्रनगर नगरपालिका १ बस्ने बर्ष अन्दाजि ३० को लाल ब. बस्नेत को टाउको, निधारमा चोट अबस्था मध्यम ।२) सहचालक जिल्ला कालीकोट सुभकालिका गाउँपालिका २ बस्ने बर्ष अन्दाजि २१ को प्रकाश शाहीको बाँया आँखा माथि चोट सामान्य ।३) जिल्ला जुम्ला हिमा गाउँपालिका १ देहारगाँउ बस्ने बर्ष अन्दाजि २८ को रबिन परियारको बाहिरी चोट नदेखिएको अबस्था मध्यम ।४) ऐ.ऐ. बस्ने बर्ष अन्दाजि १६ की अबिगेल परियारको निधारमा चोट अबस्था मध्यम ।५) जिल्ला जुम्ला हिमा गाउँपालिका १ देहारगाँउ बस्ने बर्ष अन्दाजि २५ की गंगा परियारको टाउको,निधारमा चोट अबस्था मध्यम ।६) जिल्ला जुम्ला हिमा गाउँपालिका १ देहारगाँउ बस्ने बर्ष अन्दाजि २८ को रबिन परियारको छोरा बर्ष अन्दाजि ५ को सुमन परियारको बाँया कोखामा चोट सामान्य । ७) जिल्ला कालीकोट तिलागुफा नगरपालिका ६ बस्ने बर्ष २० को प्रकाश शाहीको दुबै खुट्टा भाचिएको अबस्था सिरियस ।

लागुऔषध सहित मानिस नियन्त्रणमा ।

२०८२-०४-२०

सुर्खेत, मिति २०८२।०३।१९ गते अन्दाजी १६:४० बजेको समयमा जिल्ला सुर्खेत लेकबेशी नगरपालिका वडा नं.१० बडीपाटी स्थित लागुऔषध नियन्त्रण शाखा कार्यालय, सुर्खेत र जिल्ला प्रहरी कार्यालय, सुर्खेतबाट खटिएको संयुक्त प्रहरी टोलीले शंका लागी चेकजाँच गर्ने क्रममा जिल्ला सुर्खेत लेकबेशी नगरपालिका वडा नं.१० बडीपाटी स्थित आफन्त घरमा बसेका जिल्ला सुर्खेत वीरेन्द्रनगर नगरपालिका वडा नं. ३ बस्ने बर्ष २१ को नबिन रावल र जिल्ला सुर्खेत लेकबेशी नगरपालिका वडा नं.१० बडीपाटी बस्ने बर्ष २५ को रुपेश भण्डारीको साथबाट नापतौल गर्दा शुद्ध तौल १ ग्राम १४० मिलि ग्राम लागुऔषध ब्राउन सुगर जस्तो देखिने खैरो धुलो पदार्थ सहित निज दुई जनालाई नियन्त्रणमा आवश्यक अनुसन्धान कार्य भैइरहेको ।

लागुऔषध सहित मानिस नियन्त्रणमा ।

२०८२-०४-२०

रुकुम पश्चिम, मिति २०८२।०४।१९ गते अन्दाजी २२:५० बजेको समयमा जिल्ला रुकुम पश्चिम मुसिकोट नगरपालिका वडा नं. ३ पिपलनेटा स्थित मध्य पहाडी राजमार्गमा खलंगा देखि माझमी तर्फ जादै गरेको रा २ प ६०२८ नं.को मोटरसाइकललाई प्रहरी बिट पिपलनेटा र जिल्ला प्रहरी कार्यालय,रूकुम पश्चिमबाट खटिएको संयुक्त प्रहरी टोलिले संका लागी चेकजाँच गर्ने क्रममा चालक ऐ.ऐ. बस्ने बर्ष अन्दाजी वर्ष २२ को युबराज बि.क.को साथबाट लागु औषध (ब्राउन सुगर )जस्तो देखिने खैरो रङको धुलो पदार्थ नापतौल गर्दा शुद्ध तौल १.४९ ग्राम सहित निजलाई नियन्त्रणमा आवश्यक अनुसन्धान कार्य भैइरहेको ।