आपतकालिन सम्पर्क नं
प्रहरी कन्ट्रोल : १००, टोल फ्री नं.: १६६००१४१५१६
नेपा
EN

बेबारीसे अवस्थामा लाश फेला ।

२०८०-०४-३१

  • A
  • A-
  • A+
Share

सल्यान, जिल्ला सल्यान त्रिबेणी गाउँपालिका वडा नं.-१ सल्लेरी स्थित सल्लेरी सामुदायिक वनमा नाम थर वतन नखुलेको वर्ष अ.५५।५६ को कालो पाईन्ट,कलेजी रङको टिसर्ट र कालो चप्पल लगाएको पुरुष व्यक्ती उत्तानो परि मृत अवस्थामा छ भनि ऐ.बस्ने स्थानिय रमेश घर्ती घाँस काट्न गएको समयमा देखी टेलिफोन मार्फत प्रहरी चौकी काभ्रामा खबर गरेपश्चात उक्त स्थानमा प्रहरी चौकी काभ्राबाट ४ जनाको प्रहरी टोली र थप अनुसन्धानका लागी ईलाका प्रहरी कार्यालय लुहाम सल्यानबाट Soco सहित ६ जनाको प्रहरी टोली खटिई गएको । 

सम्बन्धित समाचार
लागूऔषध सहित मानिस नियन्त्रणमा ।
२०८०-०८-२४

सुर्खेत, जिल्ला सुर्खेत वीरेन्द्रनगर नगरपालिका-११ धुलिया बिट स्थित कर्णाली प्रदेश प्रहरी कार्यालय लागूऔषध व्युरोबाट खटिएको प्रहरी टोलिले ऐ. बस्ने बर्ष ३० को अमृत दमाई लाई चेक जाँच गर्दा निजको साथ बाट लागूऔषध ब्राउनसुगर जस्तो देखिने खैरो धुलो पदार्थ नापतौल नगरेको ५५ पुडिया (नापतौल गर्दा शुद्ध २ ग्राम ८९० मिलिग्राम ) लागूऔषध बरामद गरि निज अमृत दमाई समेतलाई नियन्त्रणमा लिई , थप अनुसन्धान भईरहेको ।

श्रीमानले बन्चरो प्रहार गर्दा श्रीमतिको मृत्यु ।
२०८०-०८-२०

सल्यान, जिल्ला सल्यान सिद्द कुमाख गाउँपालिका-३ माथिल्लो उचाल्ने बस्ने बर्ष अन्दाजी ४० की सितला सार्कीलाई निजको श्रीमान बर्ष ४५ को डम्मर सार्कीले धारिलो हतियार बन्चरोले टाउकोमा प्रहार गरी घटनास्थलमा नै मृत्यु भएको भनि स्थानियले प्रहरी चौकी ढोरचौर सल्यानमा खबर भए पश्चात उक्त प्रहरि चौकिबा ३ जनाको प्रहरी टोली घटनास्थलमा खटिई गएको, थप अनुसन्धानको लागि जिल्ला प्रहरी कार्यालय सल्यान बाट SOCO सहित ८ जनाको टोली खटिएको, मृतकको पति डम्मर सार्कीलाई अनुसन्धानका लागी प्रहरीले नियन्त्रणमा लिई थप अनुसन्धान भईरहेको ।

फरार प्रतिवादी पक्राउ ।
२०८०-०८-२०

सुर्खेत, जिल्ला सुर्खेत बीरेन्द्रनगार नगरपालिका-१ टेम्पुपार्क स्थित जिल्ला प्रहरी कार्यालय सुर्खेतबाट खटिई गएको प्रहरी टोलिले सम्मानित दैलेख जिल्ला अदालतको लगत न.२८५ एक बर्ष छ महिना ( १ बर्ष ६ महिना ) कैद सजाय र ५,०००/- ( पाँच हजार ) जरिवाना तोकिएको जिल्ला दैलेख भैरबि गाउँपालिका-७ बस्ने बर्ष ४८ को बहुबिबाह मुद्धाको फरार प्रतिबादि राजन कुमार चापागाई लाई नियन्त्रण्मा लिई जिल्ला प्रहरी कार्यालय सुर्खेतमा ल्याई सम्मानित अदालतमा पठाउने कार्य भईरहेको ।

लागूऔषध सहित मानिस नियन्त्रणमा ।
२०८०-०८-२०

सुर्खेत,जिल्ला सुर्खेत बीरेन्द्रनगार नगरपालिका-१२ पदमपुर स्थित तालुक कर्णालि प्रदेश प्रहरी लागूऔषध ब्युरोबाट  खटिएको ५ जनाको प्रहरी टोलिले ऐ.बस्ने बर्ष २५ को ललित खत्रिको घरमा शंका लागी चेक जाँच गर्दा निज सुत्ने कोठाको खाट मुनि लुकाई छिपाई राखेको ४ पुरिया र सँगै रहेको ऐ.बस्ने बर्ष ३२ को बिकाश खड्काको साथबाट १ पुरिया गरी जम्मा ५ पुरिया (नापतौल गर्दा शुद्ध ७ ग्राम ६८० मिलिग्राम) लागूऔषध ब्राउनसुगर जस्तो देखिने खैरो धुलो पदार्थ बरामद गरी माथि उल्लेखित २ जना ब्यक्ती सहित नियन्त्रणमा लिई जिल्ला प्रहरी कार्यालय सुर्खेतमा ल्याई राखिएको  बरामद ।  

लागूऔषध सहित मानिस नियन्त्रणमा ।
२०८०-०८-२०

जुम्ला,जिल्ला जुम्ला चन्दननाथ नगरपालिका-६ बिजयनगर स्थित नेपाल टेलिकमको कार्यालय पछाडी ऐ.ऐ.बस्ने बर्ष अन्दाजी २८ को शिशिर महतले लागुऔषध सेवन गरी हो-हल्ला गरीरहेको छ भन्ने सुचनाको आधारमा जिल्ला प्रहरी कार्यालु जुम्लाबाट सादा पोशाकमा खटिई गएको प्रहरी टोलिले निज महतको घ रवतनमा गई निजको शरीर र घरमा रितपुर्वक खानतलासी गर्दा निजले धुने भनि राखेको खैरो रङको सटको बाँया तर्फको खल्ती ( गोजी ) मा लागु औषध (ब्राउन सुगर र गाँजा) जस्तो पदार्थ लुकाई छिपाई राखेको अबस्थामा १ पुडिया बरामद गरी मानिस सहित जिल्ला प्रहरी कार्यालय जुम्लामा ल्याई थप अनुसन्धान भईरहेको ।  

अवैध सामान वरामद ।
२०८०-०८-२०

सुर्खेत, जिल्ला सुर्खेत भेरीगंगा नगरपालिका-१० तोली खोला स्थित रत्नराजमार्गमा  नेपालगंज बाट सुर्खेत तर्फ आउदै गरेका बिभिन्न सार्वजनिक सवारी साधनहरूलाई ईलाका प्रहरी कार्यालय छिन्चुबाट खटिई गएको  ५  जनाको प्रहरी टोलीले चेकजाँच गर्ने क्रममा कुनै पनि बिल भरपाई नभएको अवैध रूपमा ओसारपसार भईआएको ३ बोरा चिनि (१५० के.जि.) बरामद गरी ईलाका प्रहरी कार्यालय छिन्चुमा ल्याई थप अनुसन्धान भईरहेको, गाडिलाई गनतव्य स्थान तर्फ छोडिएको ।