सल्यान,

मिति २०८१।०४।२२ गते १६;५० बजेको समयमा जिल्ला प्रहरी कार्यालय सल्यान बाट खटी गएको प्रहरी टोलीले जिल्ला सल्यान शारदा नगरपालिका वडा न.८ सिमखर्क स्थित सल्यान सल्लीबजार सडकखण्डमा जिल्ला सल्यान शारदा नगरपालिका वडा न. २ बस्ने वर्ष ३० को विनय बुढाथोकी र ऐ.ऐ. बस्ने बर्ष २७ को सुरज बिश्वकर्मालाई शंकास्पद अवस्थामा हिडीरहेको अवस्थामा फेला पारी निजहरुको शरीर चेकजाँच गर्दा विनय बुढाथोकीले लगाएको ज्याकेटको बायाँ खल्तीमा मेगाश्रीको खाली खोल भित्र हल्का फिक्का सेतो रङ्गको प्लाष्टिक भित्र लागू औषध(खैरो हेरोईन) जस्तो देखिने खैरो धुलो पदार्थ १ पुडिया बेरेर लुकाई छिपाई राखेको अवस्थामा फेला पारी तत्काल मान्यता प्राप्त तराजुमा नापतौल गर्दा कागज सहित २४० मि.ग्रा. र शुद्ध तौल १५० मि.ग्रा.हुन आएको हुँदा उक्त लागू औषध(खैरो हेरोईन) जस्तो देखिने खैरो धुलो पदार्थलाई रितपुर्वक बरामद गरी निज विनय बुढाथोकी र सुरज बिश्वकर्मालाई तत्काल नियन्त्रणमा लिई अनुसन्धानको लागि जिल्ला प्रहरी कार्यालय सल्यानमा ल्याई थप अनुसन्धान भईरहेको ।