नक्कली(खोटा) नोट १२९३ थान नेपाली रूपैयाँ १२ लाख त्रिनब्ये हजार मात्र (१३ लाख बराबर) को नोट र लागुऔषध (अफिम जस्तो देखिने पोका) थान २६ जम्मा तौल ३० के.जी. ६७२ ग्राम बरामद सहित ४ पुरूष १ महिला नियन्त्रणमा

२०८२-०३-३१

A
A^-
A⁺

सुर्खेत

· मिति २०८२।०३।३० गते अन्दाजी १३:३० बजेको समयमा जिल्ला सुर्खेत वीरेन्द्रनगर नगरपालिका वडा नम्बर १० शान्ति टोल स्थित जिल्ला जाजरकोट कुशे गाउँपालिका वडा नम्बर ५ बस्ने वर्ष अन्दाजी २२ की दिलमाया सिंह ठकुरीले खोटा मुद्रा चलाउने गरेको भन्ने गोप्य सूचनाका आधारमा जिल्ला प्रहरी कार्यालय सुर्खेतबाट खटिएको प्रहरी टोली उक्त स्थानमा जाँदा दिलमाया सिंह ठकुरीको साथबाट खोटा मुद्रा नेपाली रू. १००० दरका ६ थान रू. ६,०००/-( अक्षेरूपी छ हजार मात्र) साथमा फेलापरी फेला पारी निजलाई नियन्त्रण बरामद गरेको ।

· मिति २०८२।०३।३० गते अन्दाजी १८:०० बजेको समयमा जाली नोट सम्बन्धी थप अनुसन्धान क्रममा जिल्ला जाजरकोट कुशे गाउँपालिका वडा नम्बर ०५ खुर्पा बस्ने वर्ष अन्दाजी ३३ को राम बहादुर सिंह तथा निज दिलमाया सिंह ठकुरीको डेरा कोठाबाट लुकाई छिपाई राखेको अवस्थामा नेपाली रू १००० दरका १२३६ जम्मा नेपाली रू. १२,३६०००/- ( अक्षेरूपी बाह्र लाख छत्तीस हजार मात्र) बरामद गरेको ।

· मिति २०८२।०३।३० गते अन्दाजी २२:०० बजे उक्त जाली नोट कसुरमा सङ्लग्न व्यक्तिको पक्राउ तथा थप अनुसन्धान गर्दै जाने क्रममा जिल्ला जाजरकोट कुशे गाउँपालिका वडा नम्बर ७ समकोट गमौडी घर भई हाल जिल्ला सुर्खेत भेरीगंगा नगरपालिका वडा नम्बर १२ ठकुरी टोल स्थित डेरा गरी बस्ने वर्ष ३५ को कृष्ण बहादुर वली, ऐ.ऐ. बस्ने वर्ष ३८ को प्रेम बहादुर बि.कलाई फेला पारी रीतपूर्वक निजहरूको डेरा कोठा तथा शरीर खानतलासी गर्दा निजहरूको लुकाई छिपाई राखेको कालो झोला भित्र अफिम जस्तो देखिने गिलो पदार्थ पोका ११ (एघार) जम्मा नाप तौल गर्दा शुद्ध ११ (एघार) किलोग्राम ३७२ मिलिग्राम फेलापारी बरामद गरी निजहरूलाई समेत नियन्त्रणमा लिएको ।

· मिति २०८२।०३।३१ गते अन्दाजी ०८:३० बजेको समयमा लागुऔषध (अफिम) तथा जाली नोट कसुरको थप अनुसन्धान गर्ने क्रममा जिल्ला प्रहरी कार्यालय, सुर्खेत तथा इलाका प्रहरी कार्यालय कोहलपुरबाट खटिएको प्रहरी टोलीले नक्कली नोटको कारोबार गर्ने नोट बनाउने तथा उक्त नोट बनाउने सामान समेतको कार्य गर्ने जिल्ला कालिकोट नरहरीनाथ गाउँपालिका वडा नम्बर ४ घर भई हाल जिल्ला बाँके कोहलपुर नगरपालिका वडा नम्बर ११ न्युरोडमा जनगर्जन नेटवर्क प्रा.लि. नामक मिडिया सञ्चालन गरी बस्ने वर्ष अन्दाजी ३४ को मन बहादुर सहकारीलाई नियन्त्रणमा लिई निजले सञ्चालन गरेको मिडिया हाउस तथा निज बस्ने घरकोठा खानतलासी गर्दा निजको कोठाबाट नेपाली रू. १०००।-(एक हजार) दरका नक्कली नोटहरू ५१ थान नेपाली रू. ५१,०००।-( अक्षरूपी एकाउन्न हजार) फेला परेको र प्लाष्टिकमा पोका बनाई राखेका १५ पोकामा १९ (उन्नाईस) के.जी. ३०० (तीन सय) ग्राम लागूऔषध अफिम जस्तो देखिने गिलो पदार्थ फेला परेको साथै नक्कली नोट बनाउन प्रयोग गरिएको Canon प्रिन्टर थान-१, HITECH लेखिएको CPU थान १, Zillion Tec लेखिएको Monitor थान १, Key Board थान-१, माउस थान-१, कार्डडिटर र चिप्स मेमोरी थान-१, Canon क्यामेरा थान-१ समेत फेला पारी बरामद गरीएको ।

पक्राउ प्रतिवादीः-

१. जिल्ला जाजरकोट कुशे गाउँपालिका वडा नम्बर ५ बस्ने वर्ष अन्दाजी २२ की दिलमाया सिंह ठकुरी

२. जिल्ला जाजरकोट कुशे गाउँपालिका वडा ०५ खुर्पा बस्ने वर्ष अन्दाजी ३३ को राम बहादुर सिंह

३. जिल्ला जाजरकोट कुशे गाउँपालिका ७ समकोट गमौडी घर भइ हाल जिल्ला सुर्खेत भेरीगंगा नगरपालिका वडा नम्बर १२ ठकुरी टोल स्थित डेरा गरी बस्ने वर्ष ३५ को कृष्ण बहादुर वली

४. जिल्ला जाजरकोट कुशे गाउँपालिका ७ समकोट गमौडी घर भइ हाल जिल्ला सुर्खेत भेरीगंगा नगरपालिका वडा नम्बर १२ ठकुरी टोल स्थित डेरा गरी बस्ने वर्ष ३८ को प्रेम बहादुर बि.क

५. जिल्ला कालीकोट नरहरीनाथ गाउँपालिका वडा नम्बर ४ घर भई हाल जिल्ला बाँके कोहलपुर नगरपालिका वडा नम्बर ११ न्युरोडमा जनगर्जन नेटवर्क प्रा.लि. नामक मिडिया सञ्चालन गरी बस्ने वर्ष अन्दाजी ३४ का मन बहादुर सहकारी ।

सम्बन्धित समाचार

लागुऔषध सहित मानिस नियन्त्रणमा ।

२०८२-०४-०९

सुर्खेत ,मिति २०८२।०४।०८ गते अन्दाजि २०:५० बजेको समयमा जिल्ला सुर्खेत वीरेन्द्रनगर नगरपालिका वडा नं. ०४ एरीचोक नजिक जिल्ला प्रहरि कार्यालय, सुर्खेत र लागुऔषध नियन्त्रण शाखा कार्यालय, सुर्खेतबाट खटिएका संयुक्त प्रहरी टोलीले गोप्य सूचनाको आधारमा चेकजाँच गर्दा जिल्ला सुर्खेत विरेन्द्रनगर नगरपालिका वडा नं. ३ बस्ने बर्ष २१ को ध्वनिल मल्लको साथबाट नाईट्राजेपाम ११ पत्तामा ९५ वटा ट्याव्लेट र जिल्ला सुर्खेत विरेन्द्रनगर नगरपालिका वडा नं. ०४ बस्ने बर्ष २९ को कमल कार्कीको साथबाट नाईट्राजेपाम १५ पत्तामा १४८ गरी जम्मा २६ पत्तामा २४३ ट्याव्लेट सहित निजहरुलाई नियन्त्रणमा लिई आवश्यक अनुसन्धान भईरहेको ।

करेन्ट लागी मानिस मृत्यु ।

२०८२-०४-०९

सुर्खेत ।मिति २०८२।०४।०९ गते अन्दाजि १०:४५ बजेको समयमा जिल्ला सुर्खेत बिरेन्द्रनगर नगरपालिका वडा नं. १२ नेवारे स्थित ऐ.ऐ.बस्ने बर्ष अन्दाजि ५५ को धनिराम आचार्य र निजको श्रीमती बर्ष अन्दाजी ५० की धन कुमारी उपाध्याय आफ्नै घरमा घाँस काट्ने बिद्युतिय मेसिनद्धारा घाँस टुकार्दै गर्दा बिद्युतको तारबाट करेन्ट लागी घाइते भइ उपचारको लागी प्रदेश अस्पताल कालागाँउ सुर्खेतमा पठाएकोमा २०८२।०४।०९ गते ११:१५ बजेको समयमा उपचारको क्रममा दुबै जनाको मृत्यु भएको ।

लागुऔषध सहित मानिस नियन्त्रणमा ।

२०८२-०४-०६

सुर्खेत, मिति २०८२/०४/०५ गते जिल्ला सुर्खेत गुर्भाकोट नगरपालिका वडा नं. ०८ मेहेलकुना बजार स्थित प्रहरी चौकी मेहेलकुना सुर्खेतबाट खटिएको प्रहरी टोलिले जिल्ला सुर्खेत गुर्भाकोट नगरपालिका वडा नं. ०७ बस्ने वर्ष २६ को अविशेक बादी र ऐ. नगरपालिका वडा नं. ०८ मेहलकुना बस्ने वर्ष २७ को सोमराज पाण्डेलाई शंका लागि चेकजाँच गर्दा अविशेक बादीको साथबाट लागु औषध ब्राउनसुगर जस्तो देखिने खैरो धुलो पदार्थ १ पुरिया नापतौल गर्दा शुद्ध तौल १५० मिलिग्राम र सोमराज पाण्डेको घरको सुत्ने कोठा बाट लागुऔषध ब्राउन सुगर जस्तो देखिने खैरो धुलो पदार्थ ७ पुरिया नापतौल गर्दा शुद्ध तौल ५०० मिलिग्राम र Medley (Restorage) ट्याब्लेट - १२ वटा, Spasmo -५ वटा ट्याब्लेट, Nitcor-10 - ५ वटा ट्याबलेट सहित निजहरुलाई नियन्त्रणमा लिई आवश्यक अनुसन्धान भईरहेको ।

लागुऔषध सहित मानिस नियन्त्रणमा ।

२०८२-०४-०६

सुर्खेत, मिति २०८२/०४/०५ गते गोप्‍य सूचनाको आधारमा इलाका प्रहरी कार्यालय छिन्चु, सुर्खेतबाट खटिएको प्रहरी टोलीले जिल्ला सुर्खेत गुर्भाकोट नगरपालिका वडा नं. १४ स्थित भर्लेनी बस्ने बर्ष ३४ को टोपेन्द्र घर्तीको घरको सुत्ने कोठामा खानतलासी गर्दा लुकाई छिपाई राखेको लागु औषध ब्राउन सुगर जस्तो देखिने खैरो धुलो पदार्थ प्लाष्टिकमा राखेको नापतौल गर्दा शुद्ध तौल १५० मिलिग्राम सहित नियन्त्रणमा लिई आवश्यक अनुसन्धान भईरहेको ।

लागुऔषध, पेस्तोल लगायतका हातहतियार र ओखेटोपहार सहित २ जना मानिस नियन्त्रणमा ।

२०८२-०४-०२

सुर्खेत ,मिती २०८२।०४।०१ गते जिल्ला सुर्खेत बिरेन्द्रनगर नगरपालिकाका वडा नं. ८ स्थित वडा एरियामा ठुलो मात्रामा लागुऔषध तथा हतियार रहेको भनि प्राप्त सुचनाको आधारमा जिल्ला प्रहरी कार्यालय, सुर्खेतबाट खटिएको प्रहरी टोली अन्दाजी २१:०० बजेको समयमा जिल्ला सुर्खेत वीरेन्द्रनगर नगरपालीका वडा नं ८ कृष्णमन्दिर स्थित ऐ.ऐ. बस्ने वर्ष अन्दाजी २३ को बिधान शाहीको घरमा निज बिधान शाही र ऐ.ऐ.बस्ने बर्ष २२ को आदित्य घिमिरेलाई शंकास्पद अवस्थामा फेलापारी निज बिधान शाहीको घर कोठाको खानतलासी गर्दा उक्त कोठामा लुकाइ छिपाइ राखेको निम्न सामानहरू बरामद निजहरुलाई समेत पक्राउ गरी थप अनुसन्धान भई रहेको । बरामद सामान · Type 77 पेस्तोल थान - १ · सो पेस्तोलमा लाग्ने म्यग्जिन थान - २ · गोली राउण्ड – १२· नाईनस्टिक थान - १· विभिन्न घरेलु हातहतियार तथा खरखजाना थान - ११· Tramadol जस्तो देखिने प्रति पत्तामा १० Tablet का दरले ८९ पत्ता र १ पत्तामा ९ Tablet गरी जम्मा - ८९९ वटा Tablet · Nitrazepam जस्तो देखिने प्रति पत्तामा १० Tablet का दरले ३६ पत्ता र १ पत्ता मा ९ Tablet गरी जम्मा - ३६९ वटा Tablet· Nictor जस्तो देखिने प्रति पत्तामा १० Tablet का दरले ३ पत्ता गरी जम्मा - ३० वटा Tablet· SPASMO जस्तो देखिने प्रति पत्तामा ८ Tablet का दरले १६ पत्ता गरी जम्मा - १२८ वटा Tablet · वन्यजन्तु जरायोको जस्तो देखिने ओखेटोपहार (सिङ्ग) थान - १

अवैध सामान बरामद ।

२०८२-०४-०१

सुर्खेत,मिति २०८२ साउन १ गते जिल्ला सुर्खेत, भेरीगंगा नगरपालिका -५ बबई स्थित अस्थाई चेकपोष्ट चेकिङमा खटिएको प्रहरी टोलीले चेकजाँच गर्ने क्रममा बिल भर्पाइ नभएको अन्दाजि मूल्य रू.२,८२,२००/- (दुइ लाख बयासी हजार दुइ सय) पर्ने निम्न अवैध सामानहरू बरामद गरेको । निम्नः-१) ठुलो स्कुल झोला :- २७ पिस, २) लेडिज साइट ब्याक ठुलो :- २० पिस,३) लेडिज साइट ब्याक सानो :- ८६ पिस, ४) स्टकोट रेडिमेड:- ७५ पिस, ५) ढाँका टोपी:- ५० पिस, ६) तन्ना :- ३५ पिस, ७) धोती:- ५ पिस, ८) कुर्ता सुरुवाल:- ६४ पिस, ९) कुर्ती:- ५ पिस १०) चिनी:- ५० के.जी.