सुर्खेत,

मिति २०८२।०३।२५ गते अन्दाजी १८:३० बहेको समयमा जिल्ला सुर्खेत भेरीगंगा नगरपालिका वडा नं. १० तालबारी स्थित लागुऔषध अफिमको कारोबार भईरहेको छ भन्ने गोप्य सूचनाको आधारमा जिल्ला प्रहरी कार्यालय, सुर्खेत तथा इलाका प्रहरी कार्यालय छिन्चु, सुर्खेतबाट खटिएको प्रहरी अधिकृत सहितको टोलीले उक्त स्थानमा गई सोधपुछ गर्दा जिल्ला जाजरकोट जुनिचाँदे गाउँपालिका वडा नं. १० सिर्पा बस्ने अन्दाजी बर्ष ४६ का जय बहादुर बस्नेतलाई शंकास्पद अवस्थामा फेला पारी रितपुर्वक निजको शरीर खानतलासी गर्दा निजले बोकेको कालो झोला भित्र लुकाई छिपाई राखेको अफिम जस्तो देखिने गिलो पदार्थ शुद्ध ५ (पाँच) किलोग्राम ५४० (पाँच सय चालीस) ग्राम फेलापारी बरामद गरी निजलाई समेत नियन्त्रणमा लिई लागुऔषध सम्बन्धी सकुरमा सम्मानित अदालतबाट म्याद थप गरि आवश्यक अनुसन्धान भईरहेको ।