सल्यान,

मिति २०८१।०३।०७ गते अन्दाजि ११:०० बजेको समयमा जिल्ला सल्यान बागचौर नगरपालिका वडा नं.०७ सुईयाछेरी बस्ने बर्ष ३५ को शेर बहादुर वलीले भरुवा बन्दुक लुकाई छिपाई राखेको छ भन्ने गोप्य सूचनाको आधारमा निजको घर वतनमा इलाका प्रहरी कार्यालय थारमारे सल्यानबाट प्रहरी टोली खटी गई खानतलासी गर्ने क्रममा निज शेर बहादुर वलीको घरको भान्सा कोठामा लोड गरी राखेको भरुवा बन्दुक नाल -१ र खाली अवस्थामा राखेको भरुवा बन्दुक नाल १ गरी जम्मा नाल २ र अन्य खरखजना सहीत निज शेर बहादुर वलीलाई पक्राउ गरी इलाका प्रहरी कार्यालय थारमारे सल्यानको नियन्त्रणमा राखी हातहतियार खरखजाना सम्बन्धी मुद्दामा थप अनुसन्धान कार्य भईरहेको ।